நன்கொடை நிதிகள் எங்கே?

நமது நீடூர் சகோதரர் நடத்தும் ஒரு இணையதளத்தில் மருத்துவ கல்லூரி சம்பந்தமாக நன்கொடை விபரம் பங்குதாரர்கள் தான் கேட்க வேண்டும் என எழுதியுள்ளார். மருத்துவ கல்லூரி முழுவதுமாக பங்குதாரர்களை கொண்டே நடக்கும் பட்சத்தில் அதில் பங்களிப்பில்லாதவர்கள் கேள்வி கேட்பது தவறுதான். ஆனால் JMH-க்கு சொந்தமான நிலத்தை கல்லூரிக்காக பயன்படுத்தும் போது ஊர் மக்கள் யாரும் கேள்வி கேட்கலாம், ஆனால் இங்கு நிலைமை அப்படியில்லை,
இங்கு இந்த நிர்வாகத்தில் யாருமே கேள்வி கேட்க முடியாது, கேட்டால் பதிலும் தரமாட்டார்கள். உண்மையை சொன்னால் அவர்களிடம் பதிலும் கிடையாது. பங்குதாரர்களை கொண்டு நடத்த இருந்த மருத்துவக் கல்லூரிக்கு சமுதாயத்தவர்களிடம் நன்கொடையும் பெறப்பட்டது. JMH மருத்துவ கல்லூரியின் தேர்வு கமிட்டியில் உறுப்பினராக இருந்த சகோதரர் அமீனுல்லா அவர்களே நான் ரூபாய் ஆயிரம் நன்கொடை கொடுத்துள்ளேன், இது போல் பலரிடமிருந்து நன்கொடை பெறப்பட்டது, அதன் விபரம் என்ன?, எவ்வளவு நிதி நன்கொடையாக திரட்டப்பட்டது?, அந்த நிதி எந்த கணக்கில் இருக்கின்றது? என்று JMH நிர்வாகிகள் கூட்டத்தில் கேட்டுள்ளார். அதற்கு வழக்கம் போல் எந்த பதிலும் இல்லை. கேள்வி கேட்டால் தான் நமது ஜமாத்திற்கு கோபம் வருமே, அதுபோல் அங்கும் பிரச்சனை ஆனது. அதன் பிறகு அந்த சகோதரர் தனது பொறுப்பை ராஜினாமா செய்துள்ளார். அந்த சகோதரருக்கு கொடுத்த ரசீதை இத்துடன் வெளியிட்டுள்ளோம். நாம் மேலே குறிப்பிட்டுள்ள இணையதளத்திலும் மக்கள் பார்வைக்காக மருத்துவ கல்லூரியின் வரவு, செலவு கணக்கு வெளியிடப்படும் என குறிப்பிட்டு பத்து நாட்கள் கலிந்த பின்னும் இதுவரை எதையும் வெளியிடப்படவில்லை என்பது குறிப்பிடத்தக்கது.