கட்டபஞ்சாயத்து

முன்பு நாம் வெளியிட்ட ஒரு கட்டுரையில் நம் நிர்வாகம் ரகசிய வாக்கெடுப்புக்கு முயற்சி செய்யும் ஒரு சகோதரரின் வீட்டிற்கு போய் மிரட்டியதாய் சுருங்க சொல்லியிருந்தோம் அதன் விபரத்தை இங்கே வெளியிடுகிறோம்.
நமதூரில் ரயிலடிதெருவை சார்ந்த M.A.P. தாஜுதீன் அவர்களை பெரியபள்ளி கட்டுமான பணி கணக்கு வழக்கு சம்பந்தமாக நிர்வாகத்தை விமர்சித்து வருவதாகவும் அது சம்பந்தமாக 13-11-2011 அன்று கூட்டம் உள்ளது, அதில் தாஜுதீன் அவர்கள் கண்டிப்பாக கலந்துக்கொள்ள வேண்டுமென கேட்டுக்கொள்ளபட்டார். இதற்கு முன் நடந்த கூட்டத்திற்கெல்லாம் அழைக்காமால்
இப்பொழுது அழைக்க காரணமென்ன? அக்கூட்டத்திற்கு வரமாட்டேன் என அப்பொழுதே உறுதிபட கூறியுள்ளார். பின்பு ஊர் நிர்வாக அலுவலக்கத்தில் ஊர் நிர்வாகிகள் ம்ற்றும் அவர்களின் ஆதரவாளர்கள் குறிப்பிட்ட அந்த தேதியில் குழுமியிருந்தனர். அந்த கூட்டத்திற்கு சொன்னதுபோல சகோதரர் தாஜுதீன் அவ்ர்கள் போகவில்லை. உடனே ஊர் பெரிய மனதர் ஒருவர் தாஜுதீனை கட்டி தூக்கி வரும்படி தெனாவெட்டாக கூறியுள்ளார். உடனே ஐந்து பேர் தாஜுதீன் வீட்டிற்கு இரவு 8-45 மணியளவில் சென்றுள்ளனர். அப்பொழுது அவர் வீட்டில் இல்லை, வீட்டில் பெண்கள் மட்டுமே இருந்துள்ளனர். அவர்களிடம் அந்த ஐந்து பேரும் வந்த விபரத்தை கூறிவிட்டு தாஜுதீன் எங்கே என வினவியுள்ளனர். அவர் வீட்டில் இல்லை என்றதும் அவ்ர்கள் திரும்பியுள்ளனர். அவர் விமர்சித்தார் என்று கூட்டம் கூடுகிறீர்களே உங்களை தான் ஊரே விமர்சிக்கிறதே? அப்பொழுதெல்லாம் வராத சொரனை இவர் கேட்டதும் வந்த பிண்ணனியென்ன? அவரை இதுபோல் இரவு நேரத்தில் கூப்பிட்டு எச்சரித்தால் விமர்சனம் செய்யும் மற்றவர்கள் அடங்கி போவார்கள் என்று எண்ணுனீர்களா? அவர் வரமாட்டேன் என்று கூறியும் வீடுபோய் தேடியதன் நோக்கமென்ன?. இதற்கு முன் இருந்த நிர்வாகத்திடம் இந்த பழக்கம் இருந்ததா? எல்லா பாலா போன பழக்கமும் உங்கள் காலத்தில் தான் தோன்றின. இதுபோல் இரவில் அழைத்து கட்ட பஞ்சாயத்து நடத்துவது உங்களக்கு புதிதல்ல பலமுறை இதுபோல் நடந்திருக்கின்றன.
சகோதரர் தாஜுதீன் அவர்கள் ஜனநாயக முறையில் தேர்தல் நடத்த முயற்சி செய்கின்றார், நீங்கள் செய்யும் அநியாயத்திற்கு எதிராக குரல் கொடுக்கிறார். அப்படியுள்ளவரை அச்சுறுத்தி ஊர் பிரச்சனையில் ஈடுபடாமல் இருக்கச் செய்ய பார்க்கிறீர்களே? ஊர் மக்கள் தெளிவாக உள்ளனர், எவரை அச்சுறித்தினாலும் மேலும் மேலும் வளர்வார்களே தவிர முடங்கி போய்விடமாட்டார்கள். இன்ஷா அல்லாஹ் ரகசிய வக்கெடுப்பு நடக்கட்டும் அப்பொழுது தெரியவரும் மக்களின் ஆதங்கம் என்னவென்று. ச்கோதரர் தாஜூதீன் அவர்கள் வீட்டிற்கு வந்து மிரட்டி சென்றதற்காக் அவர் காவல்துறையிடம் புகார் கொடுத்திருக்க வேண்டும். ஆனால் அவர் பெருந்தன்மையுடன் நடந்து கொண்டார், ஆனால் அவர் அலோசனை கூட்டத்திற்கு நோட்டீஸ் அடித்தார் என்ற காரணத்திற்காக அவர் மேல் காவல்துறையிடமும், வாட்டச்சியரிடமும் நீங்கள் புகார் கொடுத்துள்ளீர்களே? வட்டாச்சியர் முன் நடந்த அமைதி பேச்சுவார்த்தையில் ஜனநாயக முறையில் தேர்தல் நடத்த வேண்டுமென தீர்மானம் நிறைவேற்றப்பட்டிருக்கிறதே? இதற்கு ஜமாத்தாரோடு கலந்தாலோசித்து அவர்கள் விருப்பம் போல் ஜனநாயக முறையில் தேர்தல் நடத்துவது என தீர்மானித்திருந்தால் ஜமாத்தாரின் நன்மதிப்பையாவது பெற்றிருக்கலாம். அதைவிட்டுவிட்டு ஜமாத்தாரிடம் நன்மதிப்பை இழந்து, வட்டாச்சியரிடம் கொட்டு வாங்கி வந்துள்ளீர்களே? நீங்கள் ஜமாத்தாரை மதித்திருந்தால் இந்த நிலைமை தேவையா?  எது எப்படியோ இன்ஷா அல்லாஹ் நீடுரில் ஒரு மாற்றாம் வரப்போகின்றது, அதன்பின் இந்த கட்டபஞ்சாயத்து வேலையெல்லாம் இருக்காது. அந்த கேடுகெட்ட பழக்கம் இந்த நிர்வாகத்தோடு போகட்டும்.