மக்கள் அலோசனை கூட்டத்தை தடுக்க நினைக்கும் தரங்கெட்ட நிர்வாகத்தினர்

நமதூர் நலவிரும்பிகளால் மக்கள் அலோசனை கூட்டம் நமதூர் அல்ஹாஜி பள்ளியில் நாளை(20/092011) நடைபெறுவதாய் இருந்தது. ஆனால் நமதூர் நிர்வாகிகள் வழக்கு நிலுவையில் உள்ளபோது இதுபோல் கூட்டத்தை அனுமதிக்கக்கூடாது என காவல்துறையிடம் ஒரு புகார் அளித்துள்ளனர். மேலும் வழக்கம் போல் வட்டாச்சியரை அழைத்து அமைதி பேச்சுவார்த்தை நடத்த வேண்டும் எனவும் கோரியுள்ளனர். இதன் மூலம் இவர்கள் எவ்வளவு தரங்கெட்டு நடந்துள்ளனர் என்பது அனைவருக்கும் புலப்படும். நாளை கூடும் கூட்டமானது யாரையும் கண்டனம் செய்யும் கூட்டம் இல்லை, எந்த ரகசியக் கூட்டமும் இல்லை, சாதாரண மக்கள் அலோசனை கூட்டம். இக்கூட்டத்தில் ரகசிய வாக்கெடுப்பு நடத்த ஜமாத்தாரின் அலோசனைகளை பெறவும், அதை செயல்படுத்த ஒரு கமிட்டியும் அமைக்கவிருந்தனர். அப்படி கூடி முடிவெடுக்க ஜமாத்தாருக்கு உரிமையில்லையா?, இது ஜனநாயக நாடுதானே? முன்பு நாம் சொன்னதுபோல் சர்வதிகார முறையைதான் இந்த நிர்வாகத்தினர் கையாள்கின்றனர். மக்கள் கூடினால் இவர்கள் எதற்காக பயப்படுகிறார்கள்? அமைதி பேச்சுக்கு அழைத்துள்ளார்களே கடைசியாக நடந்த அமைதி பேச்சுவார்த்தையில் சொன்ன தீர்மானங்களை இவர்கள் நிறைவேற்றினார்களா? யாரை ஏமாற்ற பார்க்கிறீர்கள்? இப்படியே காலம் தள்ளி நீங்கள் செய்த தப்பிற்கு தண்டனை கிடைக்காமல் தப்பிவிடலாம் என்று எண்ணுகிறீர்களா? இன்ஷா அல்லாஹ் மக்கள் தெளிவாக உள்ளனர் உங்களை பதவியிலிருந்து தூக்கியெறிய வேண்டுமென.